Lilja Gunnarsdóttir er fyrrverandi formaður (2018-2020) og gjaldkeri (2017-2018) ICF Iceland, Félags markþjálfa.

Lilja er ACC vottaður markþjálfi, teymisþjálfari (team coach EMCC vottaður), viðskiptafræðingur MSc í stjórnun og stefnumótun og með diplóma í opinberri stjórnsýslu. Til að viðhalda og bæta við þekkingu sína hefur Lilja sótt fjölmörg námskeið og ráðstefnur sem aðallega tengjast markþjálfun, teymisþjálfun, Lean, gæðamálum, ferlum og hverju öðru sem stuðlar að því að bæta lífið og tilveruna hvort heldur er í starfi eða leik. 
Lilja starfar sem sérfræðingur og verkefnastjóri hjá Reykjavíkurborg ásamt því að vera sjálfstætt starfandi markþjálfi og teymisþjálfari. Hennar helstu verkefni í gegnum tíðina hafa tengst mannauðs- og kjaramálum, fjármálum, ferlum, áhættumati, gæðamálum og þjónustu ásamt því að hafa kennt á tölvu- og bókhaldsnámskeiðum.

Mottó: Lengi getur gott batnað.