ADHD markþjálfun - styrkleikamiðuð nálgun

Greinina skrifaði Sigrún Jónsdóttir ADHD markþjálfi hjá Míró -



ADHD markþjálfun fer fram með uppbyggilegum samtölum þar sem unnið er með tiltekinn tilgang eða þema í hvert sinn. Markmiðið er að einstaklingurinn skilji betur hvernig ADHD hefur áhrif á líf hans og hvernig hann getur þjálfað upp færni og aðferðir til að öðlast fyllra og gleðilegra líf.


Í ADHD markþjálfun er unnið með einstaklingi til að auka færni hans í þeim þáttum sem hafa haft truflandi áhrif tengt einkennum ADHD.


Markmiðið er að einstaklingurinn komi auga á styrkleika sína og yfirstígi hindranir og styrki þannig eigin sjálfsmynd. Unnið er með forgangsröðun og aukna meðvitund um þætti er lúta að daglegu lífi. Færniþjálfun hjálpar einstaklingnum að takast á við og ná betri stjórn á eigin lífi.

Ávinningur ADHD markþjálfunar er meðal annars eftirfarandi:

  • Aukinn skilningur á birtingarmyndum ADHD

  • Bættur skilningur á eigin líðan

  • Betri sjálfsmynd og sjálfsvirðing

  • Leiðir til að koma auga á eigin styrkleika

  • Aukin hæfni til að forgangsraða og ljúka verkefnum

  • Bætt samskipti við fjölskyldu, vini og samstarfsfólk

  • Meiri gleði, sátt og samkennd í daglegu lífi

  • Aukin færni við að setja sér og öðrum mörk


Í viðurkenndri ADHD markþjálfun er unnið út frá aðferðafræði og siðfræði ADHD markþjálfunar og grunnfærnisþáttum og siðareglum ICF.

61 views

Related Posts

See All